Bregdeti i Dubrovnikut nën pushtetin e mbeturinave/ Autoritetet kroate: Deti i sjell nga Shqipëria

Dubrovniku në Kroaci u mbush këtë javë me tonelata mbeturinash që solli një stuhi në Detin Adriatik, duke prekur plazhin Banje dhe qytetin e vjetër.

Autoritetet kroate po bashkëpunojnë me Shqipërinë për menaxhimin e situatës, ndërsa monitorimi satelitor shihet si një zgjidhje afatgjatë për të parandaluar mbeturinat në det. Dubrovniku, qytet i njohur turistik, përballet vazhdimisht me këtë problem gjatë muajve të dimrit.

Kryetari i bashkisë së Dubrovnikut, Mato Frankovic, tha se të gjitha shërbimet e qytetit, përfshirë punonjësit e pastrimit dhe ata të portit, u përfshinë në operacionin e pastrimit. Ekipet e pastrimit filluan punën herët në mëngjes, tha për transmetuesin publik HRT Denis Raos, shefi i ekipit në qendrën historike të qytetit.

gijotina.com/