Operacion për vijën bregdetare “Bregdeti Ynë” prej 4 ditësh vijon aksionin për bizneset që kanë zaptuar terrenin pa leje. Sot destiancion ka qenë Fieri, ndërsa është proceduar penalisht një 51-vjecar, i cili sipas policisë ka vendosur shezlongë dhe çadra pa lejen e organeve kompetente.
NJOFTIMI I POLICISË:
Pishë Poro, Darzezë / Vijon operacioni “Bregdeti ynë”, për lirimin e hapësirave bregdetare të zaptuara në mënyrë të kundërligjshme.
Procedohet penalisht administratori i 1 subjekti, për veprën penale “Pushtimi i tokës”.
Gjatë ditës së djeshme, në vijim të fazës së dytë të operacionit “Bregdeti ynë”, nga specialistët për Hetimin e Krimeve në Komisariatin e Policisë Fier u procedua penalisht shtetasi:
Z. H., 51 vjeç, banues në Fier.
Gjatë kontrollit të ushtruar në plazhin e Pishë Poros, Darzezë, u konstatua se ky shtetas kishte zënë hapësirën publike duke vendosur shezlongë dhe çadra pa lejen e organeve kompetente. U sekuestruan 33 çadra dhe 66 shezlongë.
Materialet i kaluan Prokurorisë pranë Gjykatës së Shkallës së Parë Fier, për veprën penale “Pushtimi i tokës”.
