Një stuhi e pazakontë ka goditur Spanjën. Stuhia ka përfunduar në tragjedi pasi një fëmijë 1 vjeç ka humbur jetën ndërsa 30 persona të tjerë mbetën të lënduar në La Bizbal, Girona.
Vajza e vogël fatkeqe u dërgua me urgjencë në spitalin Josep Trueta në Girona pasditen e së martës, por vdiq disa orë më vonë, sipas Daily Mail.
Shumica e personave të tjerë që kanë kërkuar trajtim mjekësor thuhet se kishin pësuar lëndime në kokë ose prerje që kërkonin qepje si dhe kocka të thyera. Breshëri me madhësinë e topave të tenisit ka dëmtuar edhe disa makina.
Meteorologët në Katalonjë thanë se breshëri që goditi rajonin, ishte një nga më të fuqishmit në 20 vite.
Stuhia më vdekjeprurëse e njohur në histori ishte ajo që goditi qytetin Indian Moradabad në vitin 1888. Gati 250 njerëz humbën jetën kur u goditën nga breshëri me madhësi sa të portokallit.
Discussion about this post