Stuhia e breshërit që përfshiu disa fshatra të Bashkisë së Mallakastrës, kanë shkaktuar dëme të mëdha në fshatrat Panahor dhe Aranitas, të Mallakastrës. Mësohet se një pjesë e prodhimit të vreshtave ka rënë në tokë dhe shumë të tjera është dëmtuar.
“2.5 mln lekë që më kanë ikur deri tani, po më iku pjesa tjetër 5 mln lekë” – u shpreh një nga fermerët.
Veç rrushit, breshëri dëmtoi edhe ullishtet, me të cilët e kanë të lidhur jetesën shumë familje në zonën e Mallakastrës.
“Edhe ullirin e ka rrëzuar” – u shpreh një fermer tjetër.
Për fermerët e Panahorit ishte mbyllja më e keqe e një sezoni të vështirë, me çmime të rritura të imputeve bujqësore dhe mbështetje sipas tyre të munguar.
“Çfarë ndihme nga ky shtet, ky shtet na ka vënë litarin në fyt në çdo gjë.”
Dëmet shkojnë në miliona lekë sipas vlerësimit të çdo fermeri, por asnjë përfaqësues i institucioneve lokale nuk ka shkuar për ti verifikuar.
“Ky shtet duhet të kishte dalë.”
Discussion about this post