Camila Marodin akuzohej për trafik drogash, pastrim parash dhe pjesëmarrje në grup të strukturuar kriminal.
Ajo ishte liruar në arrest shtëpie dhe i ishte vendosur rrethi gjurmues në kavilje, por teksa kthehej në shtëpi nga dyqanet në qytetin Curitiba u qëllua me breshëri plumbash nga një makinë e parkuar që e priste.
Sipas raprotimeve asnjë nga më shumë se 20 plumbat e qëlluar drejt Marodin nuk kishin arritur ta godisnin, ndërsa shoqëruesja e saj u dërgua në spital e plagosur.
Atentati ndaj Marodin vjen pas vrasjes së bashkëshortit të saj Ricardo Marodin gjatë ditëlindjes së një prej fëmjëve të tyre në nëntor, disa ditë para se gruaja të arrestohej.
Mediat vendase thonin se Camila Marodin ishte bërë një nga lideret e bandës pas ekzektimit të bashkëshortit.
Camila u arrestua në qytezën e Matinhos, por mohon të gjitha akuzat kundër saj.
Avokati i saj Claudio Dalledone tha se gruaja ka ndërruar shpesh adresë prej kërcënimeve ndaj jetës.
Discussion about this post