Policia ka dhënë detaje në lidhje me një ngjarje të rëndë të ndodhur në Mamurras të Kurbinit. Efektivët shprehen se është qëlluar në një biznes me breshëri automatiku dhe se ka pasur vetëm dëme materiale. Po ashtu, policia deklaron se është identifikuar autori, por se për arsye të hetimit nuk bëhen me dije gjeneralitetet.
“Në fshatin Gjorme, Mamurras, në fasadën e dyqanit në pronësi të shtetasit F. T. 36 vjeç, është qëlluar me armë zjarri ku si pasojë ka patur vetëm dëme materiale.
Falë veprimeve të shpejta hetimore profesionale të kryera nga grupi hetimor, është bërë i mundur identifikimi i autorit të dyshuar, por për arsye hetimi nuk bëjmë me dije gjeneralitetet e tij.
Vazhdojnë veprimet hetimore të thelluara nën drejtimin e Prokurorisë për dokumentimin e plotë ligjor të ngjarjes”, njofton policia.
Discussion about this post