Dhjetëra hektarë me mollë janë dëmtuar nga breshëri i rënë gjatë ditës së hënë në rajonin juglindor. Në fshatin Qatrom dëmet janë të pallogaritshme, ndërsa fermerët të dëshpëruar kërkojnë ndihmë nga shteti pasi prodhimi i këtij viti nuk është më për treg.
Këto janë pasojat e breshërit të një dite më parë që përfshiu rajonin juglindor të vendit. Dhjetëra hektarë me mollë dhe fruta të tjerë të stinës, janë dëmtuar duke humbur cilësinë për tregtim.
Dëmet më të mëdha janë konstatuar në fshatin Qatrom të Korçës, ku raportohet se prodhimi i këtij viti duket se ka dështuar i gjithi.
Fermerët thonë se molla e dëmtuar nuk është më për treg, ndërsa ata presin që shteti të kryejë rivlerësim të dëmeve dhe më pas subvencione.
Dëme të mëdha janë shkaktuar në shumë fshatra të Korçës, Devollit dhe Maliqit, ndërsa pritet që në ditët në vijim të bëhen raporte zyrtare për situatën.
Discussion about this post