Një breshkë e llojit Caretta Caretta është rikthyer në brigjet e Orikumit. Ajo ka rënë në rrjetat e peshkatarëve, ku ka një peshë 23 kg. Aktualisht po mbahet në qendrën e peshkimit në Orikum, ku specialistët po kujdesen për shëndetin e saj. Breshka ka ardhur në brigjet shqiptare për shkak të temperaturave, ku më pas rryma e ka afruar drejt bregdetit tonë. Gjendja e saj është e mirë dhe pas pak ditësh do të niset për studim në Turqi.
Nuk është hera e parë ku breshka të këtij lloji gjenden në brigjet e Vlorës, pasi edhe pak muaj më parë ka pasur disa raste. Madje disa herë, ato kanë qenë të dëmtuara për shkak të mjeteve lundruese motorike.
