Një aksident i rëndë ka ndodhur ditën e sotme rreth orës 09:00 në aksin rrugor Brezovicë-Shtërpcë në Kosovë, ku dy makina janë përplasur me njëra-tjetrën duke lënë të plagosur 6 persona.
Zëdhënësi i Policisë për rajonin e Ferizajt, Kanun Veseli, bëri njoftimin teksa tha se nga ky aksident kanë mbetur të lënduar gjashtë persona.
Ai tha se pesë prej tyre janë dërguar për trajtim të mëtejshëm mjekësor në Qendrën Emergjente në Ferizaj, ndërsa njëri është dërguar në QKUK (Qendra Klinike Universitare e Kosovës) në Prishtinë.
Paraprakisht dyshohet se shkak është bërë shpejtësia përtej normave të lejuara, ndërsa policia nuk ka qenë në patrullim.
Discussion about this post