Dikur një premtim i futbollit spanjoll aq sa shumë “ekspertë” të futbollit e cilësonin më të mirë se Vinicius, Rodrygo e Benzema së bashku, parabola futbollistike e Ansu fatit, ka sardhur duke rënë deri në momentin kur sot, ndoshta ka prekur pikën më të ulët.
Ansu Fati kërkonte më shumë minuta loje në këmbët e tij, dhe duket se Xavi dha dritën jeshile që sulmuesi spanjoll të huazohej diku tjetër për të marrë atë që dëshironte nga fusha e blertë.
Pas një interesimi të vazhdueshëm ditët e fundit nga Tottenham për transferimin e tij, Brighton futet në skenë dhe rrëmben gjithçka, duke zyrtarizuar tashmë edhe huazimin e lojtarit.
Ansu Fati do të jetë në huazim nga Barça te klubi anglez pa të drejtë blerje në fund të sezonit nga këta të fundit.
Gjithashtu edhe De Zerbi, trajneri i “pulëbardhave”, ka komentuar këtë goditje të vlefshme në merkato.
“Kjo është një marrëveshje shumë e mirë për të gjithë ne. Jam i sigurt se Ansu do të na ndihmojë ne për të arritur një objektiv të ri dhe ne do e ndihmojmë atë për të arritur në nivelet që ai dëshiron dhe meriton të jetë”, ka thënë tekniku italian.
Discussion about this post