Kryeministri britanik Boris Johnson konfirmoi sot se pacienti i parë me variantin Omicron në Britaninë e Madhe ka humbur jetën. Johnson tha se tashmë varianti Omicron është përgjegjës për 40% të infektimeve në kryeqytetin britanik.
Sekretari britanik i Shëndetësisë, Sajid Javid, tha se varianti Omicron po përhapet me një ritëm shumë të shpejtë në Britani, duke krijuar një garë mes vaksinimit dhe virusit.
“Ajo çfarë dimë për Omikronin është se përhapet me një shpejtësi fenomenale. Diçka që nuk e kemi parë ndonjëherë më parë. Infektimet po dyfishohen çdo dy deri në tre ditë. Kjo do të thotë që po përballemi me një valë të madhe infektimesh”, tha Javid.
Britania po përballet me një përhapje tepër të shpejtë të variantit Omicron të koronavirusit, me infektimet që dyfishohen çdo dy-tre ditë. Qeveria britanike do t’i mbajë hapur shtatë ditë në javë qendrat e vaksinimit dhe sekretari i shëndetësisë i bëri thirrje popullsisë të vaksinohen në mënyrë që vendi ta fitojnë garën mes virusit dhe vaksinimeve.
Discussion about this post