Sekretarja e Jashtme britanike, Liz Truss ka thënë se Perëndimi “nuk ka vepruar mjaftueshëm herët” në përgjigjen e tij ndaj vendimit të presidentit rus, Vladimir Putin për pozicionim të trupave në kufi me Ukrainën.
“Realiteti është presidenti Putin nuk i ka marrë seriozisht kërcënimet e parandalimit”, u ka thënë ajo deputetëve.
Me pushtimin në Ukrainë, Truss ka bërë me dije se Rusia ka “shpartalluar arkitekturën e sigurisë së Evropës”. “Ajo çfarë duhet të bëjmë tani është që të forcojmë NATO-n, na duhet të forcojmë sidomos krahun lindor”, i ka thënë ajo Komitetit për Punë të Jashtme në Parlamentin britanik.
“Ne veçse kemi dërguar më shumë trupa në Estoni, mirëpo duhet bërë më shumë. Ne duhet të jemi seriozë për shpenzimet në mbrojtje”.
Discussion about this post