Autoritet në Britaninë e Madhe njoftuan sot se ka nisur përdorimi i ilaçit të posaçëm kundër koronavirusit në disa spitale të mëdha. Autoritetet bëjnë me dije se bëhet fjalë për medikamentin “Ronapreve”, i cili u aprovua para një muaji nga Autoriteti për Ilaçet dhe Produktet Shëndetësore në Britaninë e Madhe për përdorim spitalor mbi personat që janë të shtruar në repartin intensiv apo ndaj atyre që nuk mund të krijojnë vetë anti-trupa.
Në vetvete, “Ronapreve” është një përzierje anti-trupash, të cilat ndihmojnë që organizmi i njeriut të luftojë virusin.
Ministri i Shëndetësisë së Britanisë së Madhe tha se, vendi shquhet për zbulime shkencore në fushën e kurimit dhe ky zbulim është në kuadër të kësaj eksperience të siguruar ndër vite. Gjithsesi, do të njoftohet pas disa javësh për efektet e vërteta që do të japë ky ilaç.
