Qeveria britanike ka miratuar përdorimin e vaksinave anti-Covid edhe tek fëmijët mbi 12 vjeç. Gjatë prezantimit të planit të ri për mbajtjen nën kontroll të Covid-19, kryeministri Boris Johsnon tha se nëse situata përkeqësohet, masat do ashpërsohen.
“Ne nuk do të heqim dorë nga liritë tona. Deri në Krishtlindje, do sigurohet doza e tretë për mbi 50 vjeç. Dhe nëse situata përkeqësohet, maskat dhe puna nga shtëpia do të kthehet. Falë programit tonë fenomenal të vaksinimit, ne jemi në gjendje të jetojmë me virusin pa kufizime të mëdha në liri “, është shprehur Johnson.
Johnson njoftoi se do të vazhdohet me shpejtësi fushata e vaksinimit për administratën shtetërore, dozat e tretë përforcuese për të gjithë 50 vjeçarët dhe gjithashtu vaksinimi për fëmijët mbi 12 vjeç.
Të hënën, specialistët kryesorë mjekësorë të Anglisë, Skocisë, Uellsit dhe Irlandës së Veriut rekomanduan që fëmijët e moshës 12 deri në 15 vjeç t’u jepet një dozë e vetme e vaksinës Pfizer/BioNTech, pavarësisht se këshilltarët e vaksinave nuk e rekomanduan një gjë të tillë.
Vendet e tjera, përfshirë Shtetet e Bashkuara, Kanadanë, Francën dhe Italinë, tashmë ofrojnë vaksina kundër koronavirusit për fëmijët 12 vjeç e lart. Për momentin në Britaninë e Madhe nuk ka kufizime në fuqi, pasi të fundit u hoqën me 19 korrik.
