E teksa agresioni rus ndaj Ukrainës po vazhdon, shumë shtetas janë larguar nga vendi.
Së fundmi disa foto po qarkullojnë në rrjet, ku një britanike ka bërë një gjest të jashtëzakonshëm për miken e saj. Ajo ka lyer shtëpinë e saj në Mbretërinë e Bashkuar me ngjyrat e flamurit ukrainas.
Rend Platings siguroi një vizë për Kristina Korniiuk, 34 vjeç, nga Kievi, nën skemën e sponsorizimit të Ukrainës. Ato janë mike prej tre vitesh dhe u ribashkuan në shtëpinë e zonjës Platings në Kembrixh të dielën.
Platings, e cila tha se ishte me të vërtetë e lehtësuar që shoqja e saj kishte mbërritur e lyeu shtëpinë e saj blu dhe të verdhë për të dhënë një mesazh në lidhje me pushtimin rus.
Platings i tha Press Association se ribashkimi me shoqen e saj, pas një udhëtimi që zgjati më shumë se 24 orë, ishte i mahnitshëm dhe ardhja në Britani ishte gjëja e duhur.
Discussion about this post