Britney Spears shtangu sërish ndjekësit e saj me setin e fotografive topless që ka postuar në faqen e Instagramit. Ajo po pozon shpesh në Instagram sepse dëshiron ta shikojë veten në “formën e saj më të pastër”.
Por në dallim nga më parë, kësaj rradhe 39-vjeçarja prek edhe tema të tjera në lidhje me disa supozime që ndjekësit e saj po shkruajnë nëpër rrjete sociale.
Në komentin e saj bashkangjitur fotove, ylli i muzikës Pop thotë: “Para se t’ju tregoj më shumë fotografi të trupit tim … Unë dua që ju të kuptoni mendimet e mia për ekspozimin e lëkurës time !!!!”
Britney u shpjegoi fansave dhe ndjekësve të saj të devotshëm se ajo ndihet “më mirë” e zhveshur pasi gjatë performimeve në skenë ajo u bë gjithnjë e më e pasigurt për trupin e saj.
Ajo gjithashtu shpjegon se ishte shfaqur topples për të shuar të gjitha dyshimet e hedhura në rrjetet sociale se u ishte nënshtruar ndërhyrjeve kirurgjikale estetike për zmadhimin e gjoksit apo se ishte shtatzënë.
Topless Britney u shfaq edhe pak javë më parë në një video të postuar po në Instagram. Të veshurit hollshëm, ajo e ka si një mënyrë për të shprehur lirshëm feminilitetin.
