Kryeministrja e Republikës së Serbisë, Ana Bërnabiç ka folur për Asociacioni e Komunave me Shumicë Serbe dhe thotë se besueshmëria e BE-së varet nga zbatimi i këtij asociacioni.
Sipas kryeministres serbe, gjashtë pika të marrëveshjes së Brukselit i referoheshin Asociacionit.
“Gjashtë pika në Marrëveshjen e Brukselit i referohen Asociacionit, dhe besueshmëria e BE-së tani qëndron në zbatimin e Asociacionit, formimin e Asociacionit dhe më pas mund të vazhdojmë përpara,” – u shpreh ajo në hapjen e konferencës rajonale “Integrimi euroatlantik i Ballkanit Perëndimor”.
Takimi në Bruksel
Kryeministri i Kosovës, Albin Kurti dhe presidenti i Serbisë, Aleksandër Vuçiç u pajtuan të hënën me propozimin e Bashkimit Evropian për normalizimin e marrëdhënieve, por nuk pati nënshkrim dokumenti. Arsyeja ishte, sepse palët kishin mospajtime për zbatimin e tij.
Megjithatë, sipas shefit të diplomacisë evropiane, Josep Borrell, të dy udhëheqësit treguan sjellje të përgjegjshme dhe gatishmëri për të gjetur zgjidhje. Takimi i radhës do të mbahet më datë 18 Mars në Republikën e Maqedonisë së Veriut.
Discussion about this post