Kryeministrja e Serbisë, Ana Brnabić u ka bërë thirrje të gjithëve shteteve të Ballkanit që nuk janë përfshirë në nismën “Ballkani i Hapur”, përfshirë edhe Kosovën, që t’i bashkohen kësaj nisme, duke theksuar se ftesa është gjithmonë e hapur.
“Qytetarët që jetojnë në rajon do të përfitojnë jashtëzakonisht nga kjo nismë,” tha Bërnabic në përgjigje të pyetjeve nga Seminari i 101-të Rose-Roth në Asamblenë Parlamentare të NATO-s, për Integrimin Euro-Atlantik, Partneritetin për Paqe dhe hapa të mëtejshëm në adresimin e sfidave të mbetura në Ballkanin Perëndimor, që po mbahet në Kuvendin e Serbisë.
Brnabić tha se Serbia i jep “mbështetje të plotë” Maqedonisë së Veriut dhe Shqipërisë për hapjen e negociatave me Bashkimin Evropian, pasi sipas saj, “ata e meritojnë plotësisht”.
Kosova e ka kundërshtuar përfshirjen në “Open Balkan” pasi e konsideron si një iniciativë pa vizion për rajonin dhe se nismat rajonale duhet të kenë prezencën e BE-së.
Discussion about this post