Policia e Kosovës ka njoftuar ditën e sotme se për shkak të vizitës së kryeministres serbe, Ana Brnabiç, në veri të Kosovës, do të bllokojë disa rrugë dhe akse për ofrimin e sigurisë dhe mirëmbajtjen e rendit dhe qetësisë publike në vend.
Gjithashtu, në njoftimin e bërë nga policia thuhet se në segmentet nëpër të cilën do të kalojë eskorta e kryeministres serbe do të ketë ndërprerje të përkohshme të qarkullimit të trafikut si dhe në lokacione të caktuara ku parashihen të realizohen aktivitetet.
“Njëkohësisht për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.”
Discussion about this post