Kryeministrja e Serbisë, Ana Brnabiç vizitoi sot për herë të parë veriun e Kosovës. Me mesazhe paqeje, kryeministrja e Serbisë deklaroi mbështetjen e fortë të serbëve në Mitrovicën e Veriut nga qeveria e Vuçiç. Ajo që ra në sy gjatë vizitës së së saj, ishte respektimi dhe zbatimi i reciprocitetit të targave.
Makina me të cilën lëvizi kryeministrja kishte targë ku fshiheshin simbolet serbe dhe flamuri. Reciprociteti i targave është ende temë delikate në Kosovë pasi ka nxitur shumë tensione mes serbëve dhe autoriteteve kufitare në veri të Kosovës.
Sjellim në kujtojë, se pak kohë më parë qeveria e Kosovës detyroi ta shtyjë vendimin e reciprocitetit të targave për muajin shtator, pasi serbët në këtë pjesë të territorit krijuan trazira.
U desh ndërhyrja e misionit të KFOR që situata të qetësohej dhe një rishikim të marrëveshjes Beograd-Prishtinë, me ndërmjetësimin e Berlinit.
Discussion about this post