Gerta është rikthyer sërish në shtëpinë e Big Brother pas një televotimi të hapur që e ka sjellë prapa në lojë, pas skualifikimit të saj nga Vëllai i Madh. Publiku ka vendosur të rikthejë banoren dhe ajo është pritur me entuziazëm nga pjesa më e madhe e banorëve, ndërsa disa të tjerë kanë reaguar më ndryshe.
Jozi, Loredana, Danja, Indriti dhe Valbona e kanë pritur Gertën me brohoritje dhe përshëndetje entuziaste, ndërsa Rozana ka mbetur e shtangur, duke e vështruar të kthehet në shtëpi pa fjalë. Pas rikthimit, Gerta është afruar dhe përqafuar me Gjestin, duke shprehur një hap të rëndësishëm për t’i dhënë fund tensioneve të mëparshme mes tyre. Ky veprim ka ardhur pas një kërkese ndjesë që Gerta u ka bërë familjarëve të Gjestit për incidentin që ndodhi gjatë dasmës, duke u shprehur: “Dua t’i kërkoj falje familjarëve të Gjestit dhe Gjestit veçanërisht.”
Rikthimi i Gertës ka ngritur më tej atmosferën në shtëpinë e Big Brother, duke premtuar më shumë dinamika dhe emocione në ditët që do të vijnë.
Discussion about this post