E ardhmja e sulmuesit shqiptar Armando Broja vazhdon të jetë në pikëpyetje, me sulmuesin e Kombëtares që ende nuk e di nëse do të largohet apo jo nga klubi i Chelsea.
Siç bëjnë me dije mediat angleze, duket se trajneri i klubit londinez Mauricio Poçetino ka ndërmarrë një vendim të rëndësishëm mbi merkaton e verës.
Thuhet që argjentinasi nuk do të afrojë më asnjë sulmues në klub këtë verë, duke i besuar Nikolas Xhekson dhe Armando Brojës.
Gjithashtu “Blutë” do të kenë dhe shërbimet e Kristofer Nkunku që mund të luajë dhe në qendër të sulmit, ndërsa sa i përket Lukakut, ai e ka treguar prej kohësh që do të largohet nga Chelsea.
Discussion about this post