Armando Broja mund të largohet nga Chelsea për herë të tretë pasi një klub e kërkon në huazim. Bëhet fjalë për Sportingun e Lisbonës që ka vendosur në shënjestër sulmuesin 21-vjeçar të Chelseat dhe Kombëtares Shqiptare.
Bomberi me origjinë shkodrane mund të hasë vështirësi për të gjetur hapësira në sulmin e bluve ku ka një konkurrencë të madhe dhe këtë mision mund t’ia vështirësojë dëmtimi në gju që po e mban larg fushave të blerta që prej dhjetorit.
Nëse huazohet në Portugali, ky do të jetë huazimi i tretë i Broja nga Chelsea që e transferoi fillimisht te Twente e më pas te Southampton ku sulmuesi la gjurmë. Broja ka një kontratë deri në vitin 2026 me Chelsean.
Discussion about this post