Armando Broja është kthyer tashmë në lojtarin më të përfolur dhe më të dashur të tifozëve kryesisht atyre të Southampton. Paraqitjet e sulmuesit shqiptarë kanë treguar se është një lojtar i madh pavarësisht moshës që shqiptari ka.
Ish-trajneri i Tottenham dhe Aston Villas Tim Sherwood, i ftuar në Sky Sport England ka thurur elozhe për sulmuesin shqiptar i cili shënoi në sfidën e fundit ndaj Southampton duke e çuar në 5 numrin e golave në këtë edicion të Premier League.
“Broja është një lojtar për skuadrën, ai nuk është një futbollist që mendon vetëm për aspketin personal dhe që kërkon të vihet në dukje individualisht pasi ai luan shumë mirë për skuadrën. Ai di si të lëvizë në fushë dhe kur duhet të lëvizë, krijon hapësira për shokët e ekipit. Nëse unë do isha një mesfushor dhe në fakt unë jam një mesfushor unë do doja të shikoja numrin e tij, dhe tia pasoja topin Brojës pasi e di shumë mirë që mbrojtësit nuk do ta kapin dot atë. Armando është shumë i shpejtë me topin në këmbë dhe zotëron aftësi të jashtëzakonshme përpara porte. Unë e dashuroj atë”, deklaroi Sherwood.
Vetëm 20-vjeç dhe Broja tashmë ka hyrë në historinë e Premier Leagues, teksa ka thyer një rekord.
Talenti i kombëtares shqiptare është bërë lojtari më i ri në historinë e Premier Leagues që ka arritur të shënojë në katër sfidat e para që starton si titullarë. Këtë rekord e mbante që nga viti 2014 Diego Kosta.
Discussion about this post