Armando Broja arrin sërisht të gjejë rrjetën në Premier Ligën angleze edhe këtë fundjavë, duke konfirmuar edhe një herë formën fantastike që sulmuesi i Kombëtares Shqiptare po kalon.
Miqtë e Burnley ishin të parët që kaluan në avantazh që në minutën e 13’, por Southampton do të barazonte në minutën e 41’. Duke e mbyllur pjesën e parë në barazim 1-1.
Pjesa e dytë do të dërgonte topin në këmbët e shqiptarit Armando Broja, i cili duke përfituar nga përgjumja e mbrojtjes kundërshtare, realizon golin e avantazhit për Southampton në këtë takim, duke i dërguar shifrat në 2-1.
Broja ka festuar në një mënyrë unike, duke formuar shqiponjën me duar dhe duke vrapuar në fushë.
Pak minuta më pas, do të ishte sërisht shënuesi i golit të parë për Burnley, do të bëhej protagonist në këtë takim, duke tundur rrjetën e Southampton, për të barazuar gjthçka në 2-2.
Pas këtij takimi të dyja këto skuadra kanë ndarë nga një pikë mes tyre, në momente tepër të vësjtira për to, pasi gjenden shumë pranë zonës së rrezikshme të tabelës së Premier Ligës angleze.
