Armando Brojës do t’i duhet më shumë punë për të bindur trajnerin Skot Parker që t’i rezervojë minuta në radhët e Burnleyt, pasi ka shpërdoruar sot një mundësi të mirë për të spikatur para trajnerit.
Ai e nisi titullar ndeshjen e Kupës së Ligës ndaj Cardiff, por nuk ia doli të ndihmonte ekipin që u mund 2-1 dhe u eliminua nga turneu.
Edhe pse përballë ishte një skuadër e kategorisë së tretë, Burnley ishte në vështirësi të mëdha në pjesën e parë dhe pësoi dy gola, ndërsa Broja kishte shpërdoruar një mundësi të mirë për të barazuar rezultatin.
Një presing i tij ndaj portierit solli edhe një gabim të Kardif për golin që shkurtoi diferencën në pjesën e dytë.
Më pas sulmuesi kishte edhe një tjetër gjuajtje që u bllokua nga portieri, para se të zëvendësohej në minutat e fundit të sfidës, që nuk ndryshuan më rezultatin dhe panë Bërnlin të eliminohej në këtë pikë të turneut.
Discussion about this post