Marcelo Brozoviç dhe Interi duket se nuk janë ndarë shumë miqësisht. Kjo kuptohet nga mënyra se si palët i dhanë lamtumirën njëra-tjetrës pas 8 viteve bashkëpunim.
Kroati u transferua te Al Nassr në Arabinë Saudite dhe mesazhi i lamtumirës i klubit në rrjetet sociale, ishte shumë i ftohtë po të llogaritësh kohëzgjatjen e qëndrimit të tij në Milano.
Mesazh i cili duket se nuk kënaq kroatin i cili po në postimin e Interit në Instagram, nuk ka kursyer ironinë.
“Përshëndetje e madhe. Foto shumë e bukur”, shkruan ai, shoqëruar edhe me një emoji të të qeshurës, si për të lënë të kuptohet se nuk i pëlqen mënyra se si skuadra e përcolli atë që ishte një ndër kapitenët e saj.
Brozoviç ka nënshkruar një kontratë trevjeçare me Al Nassr, nga e cila do të përfitojë 100 milionë euro, ndërsa Interi do të përfitojë 18 milionë euro për shitjen e kartonit të tij.
Discussion about this post