Vetëm dy muaj pasi u larguan si çift nga programi i dashurisë “Për’puthen”, Bruno Shemsho dhe Florjana Gjini i dhanë papritur fund lidhjes së tyre. Lajmi u konfirmua nga vetë Bruno përmes një video-live në rrjetet sociale, ku konfirmonte ndarjen nga Ana. Që pas deklaratës së tij ish-çifti janë ndjekur me kuriozitet të madh nga ndjekësit për të zbuluar më shumë rreth arsyes së ndarjes.
Kështu një ndjekës e ka pyetur Brunon se çfarë ka ndodhur mes tij dhe Anës, pasi kjo e fundit tha se s’mund të flasë për shkak të familjes së tij.
“Çfarë i ke bërë Anës që s’do ta thotë vetëm e vetëm se respekton familjen tënde?”– i shkruan ndjekësi Brunos në një pyetësor në rrjetet sociale.
Ish-konkurrenti i “Për’puthen” shkruan se nuk ka folur për arsyet e ndarjes pasi ka respekt për Anën dhe zgjedhjet e tyre së bashku. Më tej ai shton se është i hapur që ajo të nxjerrë prova për gjithçka “të keqe” që është folur.
“Nuk kam dashur të flas se kjo çështje është mbyllur, por për çështje respekti i sugjeroj kujtdo: Mos të përmend familjen pasi veç tregon që s’ke respekt për mua e si rrjedhojë as për familjen. Unë nëse s’kam folur për arsyet e bëj se kam respekt për zgjedhjen si timen si të saj si në dalje nga ai program, e në vazhdimin e jetës pas emisionit. Kushdo që do të flasë keq për dike, të nxjerr gps e prova, bujrum ti jap drejtim se ndjekësi mezi presin. Do iu lutesha mos të më bëni më pyetje rreth emisionit e çka ka shkuar, e rreth marrëdhënies se krijuar aty. Jam Bruno Shemsho, jo veç Bruno i “Për’puthen”.
Një tjetër ndjekës i rikujton Brunos disa postime të bëra në rrjetet sociale, duke e cilësuar “fajtor” për këtë situatë që është krijuar mes tij dhe Anës. Ndjekësi shton se ata duhet të pajtohen pasi sipas tij kanë qenë çift i pëlqyer.
Bruno i është përgjigjur këtij ndjekësi duke shkruar se është ofenduar nga fanpaget e Anës, megjithatë nuk ka dashur të reagojë. Ish-konkurrenti shton se arsyeja pse ka vendosur të flasë është se ajo i ka përmendur familjen.
Gjatë një interviste të dhënë më herët Ana ka shuar shumë dyshime në lidhje me raportin e saj me Brunon. Ajo u pyet se kur i kishin ngulur thikën për herë të fundit dhe nuk hezitoi në përgjigje duke deklaruar se një diçka e tillë ka ndodhur dy javë më parë.
Discussion about this post