Pavarësisht se qeveria raporton që ekonomia po merr veten dhe të ardhurat janë rritur, në raportin monetar të publikuar së fundmi nga Banka e Shqipërisë nuk rezulton tamam kështu. BSH evidenton se gjatë këtij viti papunësia ka ardhur në rritje deri në fund të muajit tetor. Sipas BSH, është e qartë që papunësia e ka kapërcyer nivelin 11.9% të regjistruar në tremujorin e parë të vitit.
“Punësimi është ende poshtë nivelit që kishte para pandemisë. Tregu i punës nuk është rikuperuar ende nga efektet e pandemisë dhe vijon të karakterizohet nga nivele të ulëta punësimi, shkallë relativisht e lartë papunësie – e cila u rrit në 11.9% në tremujorin e parë dhe vazhdoi në rritje deri në fund të muajit tetor. Gjithashtu, evidentohen presione të zbehta për rritjen e pagave”, thuhet në raport.
Po ashtu, Banka e Shqipërisë gjykon se rikuperimi i qëndrueshëm i ekonomisë duhet të vijojë të ankorohet në kushte të përshtatshme financimi përgjatë gjithë horizontit afatmesëm, dhe se rreziqet e kahut të poshtëm, e sidomos ato të lidhura me ecurinë e pandemisë, pasi kufizimet që mund të burojnë prej saj, janë ende të pranishme. E.H/Gijotina.com/
Discussion about this post