Ish -presidenti Bujar Nishani ka treguar sot gjatë një interviste televizive se Kuvendi Kombëtar i PD do të mbahet me 11 dhjetor për shkak se deri më tani janë mbledhur 70 % e firmave në rang kombëtar.
Ndër të tjera ai u shpreh se, ky Kuvend do të normalzojë situatën në PD, pasi aktualisht kjo parti është në krizë dhe përplasjet Basha-Berisha nuk është i vetmi problem. “Mbi 70 % në rang kombëtar dhe varion minimumi nga 60-90% në disa degë të tjera. Ata të cilët e shohin këtë problematikë në raportet e Berishës dhe Bashës, është një tipar në mënyrë sipërfaqe, madje është ikje nga thelbi i të vërtetë. Është shqetësimi për forcën politike ku ndodhet sot Partia Demokratike”, tha ai.
Sipas Nishanit, ky Kuvend do të sjellë të mora dhe rizgjimin e demokracisë në vend, duke theksuar se PD nuk mund të lejojë më largimin e të rinjve nga vendi. Nishani tha se në vitet e fundit vendi ynë është mbërthyer nga monokracia që po e dëmton atë. “Nuk flas për përgjegjësinë e askujt ma do mendja se të gjithë ne kemi një keqardhje të madhe njerëzore që sot 70 % e të rinjve duan të ikin nga vendi. Ne kemi qenë 30 vite me demokraci hibride dhe sot jemi në monokraci që e ka dehumanizuar këtë shoqëri”, ka thënë Nishani.
Sa i përket Bashës, Nishani tha se është më mirë që ai të pranojë kërkesën e Berishës dhe të ulet të tregojë idetë e tij, pro që duhet të lëshojë drejtimin e PD.
Discussion about this post