Ish-presidenti Bujar Nishani e ka nisur ditën e sotme me sulme ndaj Lulzim Bashës. Përmes një postimi në Facebook, ai falënderon të gjithë delegatët që kanë firmosur për mbledhjen e Kuvendit të PD me 11 dhjetor, duke thënë se kjo do të jetë përgjigja për të gjithë ata që tentuan të cenojnë demokracinë. Sipas Nishanit, firmat e tyre për Kuvendin sollën edhe njëherë në vëmendje se PD është partia që sjellë liri dhe pluralizëm.
Sakaq, ai theksoi se pas 11 dhjetorit PD dhe Shqipëria nuk do jenë më peng i tradhtisë dhe regjimit të Ramës dhe Bashës. “Vitet do të kalojnë përsëri, ashtu siç kaluan tash e tridhjetë vite të shkuara, kur kjo parti u themelua, por emrat e atyre njerëzve të lirë, që do të mblidhen më 11 dhjetor 2021 në Kuvendin më historik të kësaj partie do të shkruhen, do të përmenden e do të kujtohen veçanërisht për misionin që ndërmorën. Firmëtarët patriot të 2021 na rikujtuan të gjithëve se; Pa opozitë nuk ka pluralizëm, pa pluralizëm nuk ka liri, pa liri nuk ka të vërteta, pa të vërteta skuthët peng të regjimit do mbeten “oksigjen” për hajninë që po na vret pak nga pak të gjithëve çdo ditë. Partia Demokratike e Shqipërisë nuk mundet të kthehet dot kurrë në aneksin e regjimit të hajnisë e tradhtisë”, shkruan ai. Bujar Nishani ka mbështetur prej fillimit ‘Foltoren’ e Sali Berishës dhe rikthimin e tij në PD. E.H/gijotina.com/
Discussion about this post