Në Universitetin Bujqësor këtë vit akademik janë 7 programe studimi që rrezikojnë të mbyllen. Rektori i këtij universiteti Fatbardh Sallaku u bëri thirrje maturantëve, duke qenë se ka dhe një raund tjetër regjistrimi, që t’i zgjedhin këto degë pasi ofrojnë mundësi punësimi.
Në mbyllje të raundit të dytë të regjistrimeve, duket se degët më të preferuara në Bujqësor janë Menaxhim Agrobiznesi, Ekonomi dhe politika të zhvillimit rural, Ekonomiks, Financë, Informatikë, Mjekësi veterinare si dhe Inxhinieri pyjore.
Duke qenë se viti akademik u shty për në 18 Tetor, rektori i këtij universiteti ju bën thirrje studentëve që të vaksinohen për tu kthyer fizikisht në universitet, pasi aktualisht janë vaksinuar rreth 15% e tyre.
Universiteti Bujqësor i Tiranës është institucioni më i vjetër i arsimit të lartë në vend dhe këtë vit ka 70-vjetorin e themelimit.
