Bullgaria ka dëbuar nga vendi 70 diplomatë rusë për shkak të përfshirjes së tyre në spiunazh.
“Sot kemi përjashtuar 70 diplomatë rusë. Shërbimet tona të sigurisë i kanë identifikuar si njerëz të lidhur me shërbimet sekrete dhe po punonin kundër interesave të atdheut tonë. Dua të përgëzoj shërimet bullgare dhe Ministrinë e Jashtme për punën e tyre”, tha të martën kryeministri Kiril Petkov. “Dhe dua t’i them çdo shteti të huaj, jo vetëm Rusisë, se kushdo që punon kundër interesave të Bullgarisë, do të dërgohet andej nga ka ardhur”.
Ky është numri më i lartë i diplomatëve rusë që Bullgaria ka dëbuar gjatë viteve të fundit, që përgjysmon praninë e stafit rus në vend.
Ministria e Jashtme bullgare tha se vendimi u mor për shkak të shkeljes nga ana e diplomatëve të konventës së Vjenës mbi marrëdhëniet diplomatike.
Discussion about this post