E teksa fokusi është tek lufta që po zhvillohet mes Ukrainës dhe Rusisë, kësaj të fundit pak nga pak po i ikën mbështetja nga shumë shtete dhe po “eliminohet” dhe nga shumë aktivitete si është futbolli apo muzika.
Ka qenë shteti bullgar ai që u ka dhënë dy diplomatëve rusë 48 orë kohë për t’u larguar nga vendi. Kjo për shkak të akuzave për spiunazh, tha ministrja e Jashtme Teodora Gançovska.
Në një deklaratë të mëparshme, prokurorët akuzuan një diplomat rus për spiunazh dhe thanë se një gjeneral rezervë bullgar po hetohej për dhënien e informacionit të konsideruar sekret shtetëror diplomatit rus.
Një zëdhënëse tha se qeveria, shërbimet e sigurisë kombëtare dhe prokurorët po vlerësonin informacione shtesë për të parë nëse kishte më shumë njerëz që kishin shkelur statusin e tyre diplomatik.
Discussion about this post