Bullgaria ka pretenduar se Maqedonia e Veriut nuk plotëson ende kriteret për mbajtjen e Konferencës së parë Ndërqeveritare, ndaj për këtë ka kërkuar Shqipëria të ndahet nga Maqedonia e Veriut, për sa i përket procesit të negociatave për integrimin në BE.
Këtë kërkesë Bullgaria e ka shprehur zyrtarisht ndaj shteteve anëtare të Bashkimit Europian, teksa ka kërkuar që Shqipëria të gjykohet për meritat e saj dhe të vijojë rrugën drejt integrimit.
“Maqedonia e Veriut nuk plotëson ende kriteret për mbajtjen e Konferencës së parë Ndërqeveritare”, thuhet në reagimin e qeverisë bullgare.
Këtë propozim e ka bërë edhe Komisioneri për Zgjerimin e Bashkimit Europian, Oliver Varhelyi.
Vendimi për hapjen e negociatave është bllokuar për shkak të vetos që Bullgaria i ka vendosur Maqedonisë së Veriut. Por shtetet anëtare të BE-së kanë kundërshtuar ndarjen në procesin e hapjes së negociatave, duke penalizuar kështu edhe Shqipërinë.
Kujtojmë që në nëntor të 2020-ës, shteti bullgar i vendosi veto Maqedonisë Veriore për negociatat, pasi i kërkoi të zbatojë marrëveshjen e miqësisë së vitit 2017.
Discussion about this post