Ministri i Arsimit në Holandë, Dennis Wiersma, i ka paraqitur dorëheqjen kryeministrit Rutte, pas akuzave të ngritura ndaj tij nga disa zyrtarë të institucionit që ai drejtonte për sjellje arrogante, të vrazhdë dhe fyese.
Wiersma, një ministër nga radhët e partisë VVD, deklaroi se vendimi për të dhënë dorëheqjen nuk ishte i lehtë, por nga situata e krijuar, ishte i pashmangshëm.
Ish-ministri u angazhua se do të vijonte të fliste personalisht me anëtarët e stafit, pas dy ankesave të reja për sjelljen e tij të vrazhdë dhe frikësuese.
Ankesat për Wiersma u shfaqën për herë të parë në prill. Ai premtoi se do ta korrigjonte sjelljen disa herë dhe i kërkoi falje partisë parlamentare VVD.
Kryeministri Mark Rutte e përshkroi dorëheqjen e tij si një turp të vërtetë. “Po humbasim dikë që kishte vënë gjithçka në arsim. Dhe unë i jam shumë mirënjohës”.
Discussion about this post