Kompania celulare One Albania sillet në mënyrë të paligjshme me punonjësit duke mos respektuar kontratat. Kjo klimë e keqe përcillet edhe në shërbimet që ofron kjo kompani tek abonentët. Në mënyrë arrogante, çdo drejtor i ri që vjen në krye të kompanisë nis shkarkimet masive në administratë. Dokumenti më poshtë është një nga dhjetëra paditë e punonjësve të One Albania të pushuar padrejtësisht.
Punonjësi M.K. fitoi gjyqin me kompaninë One Albania në Gjykatën e Juridiksionit të Shkallës së Parë Tiranë dhe në Apel. Por vazhdon të përballet me kompaninë One Albania e cila ka bërë rekurs në Gjykatën e Lartë duke e zvarritur çështjen.
Punonjësi i administratës është pushuar padrejtësisht, prandaj ka përfituar dëmshpërblim pagesën e rrogës për 1 vit nga One Albania.
Padia ka si objekt “Detyrim i palës së paditur t’i paguajë pagën e një viti pune, si dëmshpërblim për zgjidhje të kontratës së punës pa shkaqe të arsyeshme”.
Gjithçka është e qartë për gjykatën sepse është shkelur Kodi Punës, Kodi i Procedurës Civile, Kushtetuta. Më konkretisht, One Albania ka shkelur kontratën me afat të pacaktuar që ka pasur me punonjësin.
Ndërsa ish-punonjësi i kësaj kompanie N.L. pret prej 8 vjetësh të marrë dëmshpërblimin, por kompani që ka një tufë me juristë për këtë qëllim, vazhdon ta vonojë çështjen duke e çuar në Gjykatën e Lartë, ku radha e dosjeve është sa një mal.
Dhe, e njëjta situatë vazhdon brenda kompanisë. Tamás Tábori, Zëvendës CEO i Grupit 4iG për Strategjinë e Telekomunikacionit, u transferua drejtor ekzekutiv interim i One Albania, duke filluar nga 20 qershor 2025.
Menjëherë kanë nisur ndryshimet dhe pushimet nga puna. Sipas burimeve të brendshme, kompania është në krizë financiare prandaj do të shkurtojë 10 % të stafit.
Disa prej punonjësve janë detyruar të firmosin dorëheqje për largim nga puna, ndërsa një pjesë tjetër, përfshirë drejtorë e përgjegjës departamentesh, po përballen me presione të vazhdueshme dhe lëvizje të qëllimshme për t’i detyruar të largohen ose të bëjnë të marrëveshje largimi vullnetar.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post