Bundesliga ka zhvilluar ditën e sotme disa nga ndeshjet e javës së 10-të të saj, teksa Eintracht Frankfurt, Stuttgart dhe Mainz kanë arritur të sigurojnë 3 pikët.
Eintracht Frankfurt ka mposhtur thellë skuadrën e Leverkusen. Frankfurti triumfoi në shtëpi me shifrat 5-1. Golat për skuadrën vendase i shënuan Kamada 45+5’ dhe 72’, Kolo Musani 58’, Lindstrom 65’ dhe Alario 86-të, ndërsa për miqtë shënoi Hincapie në minutën e 56-të.
Edhe skuadra e Stuttgart siguroi fitoren 4-1 ndaj Bochum. Mainz nga krahu tjetër mposhti Werder Bremer me shifrat 2-0.
Në “Volkswagen Arena” u shënuan 4 gola, por s’ka fitues mes Wolfsburg dhe B. Monchengladbach. Kjo përballje u mbyll 2-2 mes dy ekipeve që tashmë ndajnë nga një pikë në javën e 10-të të kampionatit.
Discussion about this post