E ardhmja e Jude Bellingham po përcaktohet gjithnjë e më shumë dhe ardhja e tij në Real Madrid është e pashmangshme. Lojtari i Borussia Dortmundit shtoi sezonin e tij të fundit në Bundesligë dhe vetë liga dëshironte t’i kushtonte një video atij.
Transferimi i Jude Bellingham është praktikisht i kryer dhe edhe në kampionatin gjerman e marrin si të mirëqenë. Kujtojmë se lojtari tashmë i ka dhënë lamtumirën të gjithë stafit dhe bashkëlojtarëve te Borussia Dortmund dhe pret që të zyrtarizohet transferimi i tij.
Bundesliga ka publikuar një video me të gjithë golat dhe asistimet që anglezi ka regjistruar në kompeticion. Padyshim një pjesë më shumë se e jashtëzakonshme duke pasur parasysh se futbollisti ka luajtur vetëm tre sezone në Gjermani.
Videoja është postuar pasditen e sotme në kanalin e Bundesligës në YouTube. Fansat e Real Madridit kanë dashur ta ndajnë këtë video përmes rrjeteve të tyre sociale dhe për shumë është një ‘konfirmim’ i transferimit të tij.
“Los Blancos” do t’ia kushtojnë këtë javë lamtumirës dhe do të kërkojnë të mbyllin të gjitha rinovimet që janë në pritje. Tani për tani do të duhet të presim që të zyrtarizohet transferimi i Bellingham, pavarësisht se ai tashmë është ‘i kryer’.
Real Madridi e ka arritur marrëveshjen, por variablat e funksionimit të akordit ende duhet të finalizohen. “Mbretërorët” shpresojnë t’i zgjidhin këto detaje në ditët e fundit dhe të lënë gjithçka në rrugën e duhur për ta zyrtarizuar që në qershor.
Discussion about this post