Kryedemokrati Sali Berisha lexoi këtë të enjte në Kuvend disa biseda për të cilat saktësoi se janë pjesë e përgjimeve të dosjes hetimore “Toyota Yaris”.
Berisha zbuloi se mes komunikimit mes Erjona Daupajt, ish-oficere e Policisë Gjyqësore në SPAK, një prej kushërinjve Vladi dhe avokatit Radovan Çela zbulojnë implikimin e kryeministrit Edi Rama përmes ministrit Taulant Balla.
Përgjimet e publikuara nga Berisha
“Së pari, të dashur qytetarë, siç e shihni, këta kanë marrë fund. Ai deklaron se do dalë dëshmitar për Edi Ramën, ky tjetri flet në emër të tij për PS. Jeni katandisur aty ku e meritoni. Por unë, meqë ky tha nuk quhem Tao, por quhem Krenar, do u lexoj pak disa rreshta prej tij”, tha Berisha, teksa më tej lexoi përgjimet:
Daupaj: Nuk do i bëj nder Ballës unë.
Çela: Këto ditë po më pyet, do jetë prapë Balla, apo do jesh ti?
Vladi: OK, se flas unë, por të na tregojë mënyrën se si do ta mbyllë?
Çela: Nga Tao, Tao. Dhe thotë se i ka në rregull letrat.
Çela: Se bundra luan edhe me Taon.
“E kuptoni ju sa e rëndë është kjo? Se kush është ajo, ia dredh edhe Taos”, komentoi Berisha para se të kthehej te leximi i komunikimeve.
Çela: Jo, bundra kësaj radhe do ia marrë…
Çela: I dola borxhit Taos.
“Ja pra kush u përfaqëson ju. Ja kush del krenar para jush. Po si jeni kështu mo, si ka mundësi? ‘Dakord, do ta pengoj unë, i dola borxhit’”, tha Berisha më tej.
Historia e kësaj dosje hetimore nis më 24 qershor 2018, kur në Portin e Durrësit u sekuestruar rreth 3.4 milionë euro.
Lexo edhe:
“30 mijë € për moskompetencë”/ Bisedat në Sky të dosjes “Toyota Yaris”, si bëhej pazari: 15 me 15!
Discussion about this post