45-vjeçari shqiptar Leonard Kurti i akuzuar për vrasjen e bashkatdhetarit të tij, Shpëtim Bajrami jashtë një pike karburanti në Selanik, pas një sherri që kishin bërë, u la në burg nga Gjykata e Selanikut, edhe pse kishte kërkuar falje për aktin e kryer.
Ndaj 45-vjeçarit Leonard Kurti është ngritur kallëzim penal për vrasje me gjakftohtësi, armëmbajtje pa leje, përdorim të armëve dhe armëmbajtje.
Përballë hetuesisë autori Kurti ka pohuar se në periudhën e fundit ka qenë i kërcënuar nga viktima.
Sipas asaj që ai ka pretenduar, ai nuk ka pasur qëllim ta vriste, por armën e ka marrë për mbrojtje.
45-vjeçari, Leonard Kurti është babai i tre fëmijëve të mitur, dhe është vetëdorëzuar vullnetarisht në Polici.
Ngjarja në fjalë ndodhi mesditën e 13 korrikut. Konflikti nisi në një lokal ku autori dhe viktima ishin duke pirë kafe dhe më pas u përplasën fizikisht në makinën e 45-vjeçarit.
Kurti nga brenda mjetit të tij e qëlloi me 3 plumba Bajramin, i cili po e godiste me grushte nga xhami i makinës.
Discussion about this post