Ndryshime në zinxhirin komandues në burgun e Fushë-Krujës dhe Durrësit, emërohen drejtuesit e rinj (Emrat)

Një sërë ndryshimesh kanë ndodhur në zinxhirin e sistemit komandues të disa Institucioneve të Ekzekutimit të Vendimeve Penale.

Raportohet se në IEVP Fushë-Krujë është riorganizuar zinxhiri komandues, duke u liruar nga detyra drejtori Apostol Luca.

Në këtë detyrë është emëruar Ervis Dedej, me eksperiencë të gjatë në sistemin e burgjeve. Gjithashtu, Shef i Policisë është emëruar kryekomisar Fatjon Sadikaj, me mbi 20 vite përvojë në Policinë e Burgjeve.

Ndërkohë, në IEVP Durrës është emëruar drejtor Serjan Mazrreku, me eksperiencë në administratë dhe në fushën ligjore, si dhe Shef i Policisë kryekomisar Florian Masha, me karrierë të gjatë në radhët e Policisë së Shtetit.