Prokuroria e Tiranës kërkon “arrest në burg” për 35-vjeçarin Jetnor Zhaboli, i cili u arrestua për dhunë në familje dhe mbylljen në banesë të familjarëve të tij, të cilët i survejonte me kamera dhe nuk lejonte të kishin komunikime, qofte edhe përmes telefonave, nëse ai nuk ndodhej në banesë.
Sipas raportimeve mësohet se gjithashtu Prokuroria ka kërkuar ekspertizë mjeko-ligjore për të përcaktuar gjendjen e shëndetit mendor të 35-vjeçarit, por deri në daljen e përgjigjeve të saj, ai duhet të qëndrojë në burg.
Seanca për masën e sigurisë do të bëhet të hënën në orën 09:30 në Gjykatën e Tiranës.
Jetnor Zhaboli ndalonte komunikimin me persona të tjerë, bashkëshortes, fëmijëve dhe nënës si dhe ushtronte dhunë fizike dhe psikologjike, në mënyrë të vazhdueshme mbi ta.
35-vjeçari kishte instaluar kamera në të gjithë hapësirën e shtëpisë dhe i përgjonte gjithë kohës.
Discussion about this post