Një lajm i pazakontë tronditi vendin javën e kaluar pasi një ekonomist u arrestuar për burgosjen e familjarëve të vet në shtëpi. Jetnor Zhaboli kishte ngujuar nënën, gruan dhe fëmijët e tij të mitur brenda në banesë.
Ai madje kishte vendosur edhe kamera për t`i monitoruar gjatë gjithë kohës nëse dalin jashtë. Për të folur për këtë çështje në një lidhje skype për emisionin “Shqipëria Live” në Top Channel, ishte avokati i Zhabollit, Edison Hasanbashaj. Ky i fundit tha se “pritet që të dalë vendimi i ekspertizës lidhur me rastin e Jetnorit, por deri më tani dyshohet se ai nuk është i vetëdijshëm për veprimet që ka kryer”.
Nga hetimet e kryera ka rezultuar se kryefamiljari Jetnor Zhaboli, sa herë largohej nga banesa, i monitoronte me kamera dhe ju bllokonte valët e telefonit duke mos i lejuar të komunikojnë me asnjë person. Prej fillimit te marrëdhënies ka qene xheloz dhe kontrollues, por me kalimin e kohës u bë edhe me shumë.
Kishte instaluar kamera në çdo cep të banesës madje edhe në dhomën e gjumit dhe në tualet dhe i monitoronte nga celulari, kur nuk ishte në banesë. Kishte montuar bllokues valësh që familjaret të mos bënin telefonata të pa kontrolluara.
Kjo jetesë i kishte shkaktuar stres bashkëshortes së tij e cila kishte tentuar vetëvrasjen. Në banesë policia gjeti dy letra që gruaja kishte shkruar për familjaret e saj, ku iu linte lamtumirën dhe u kërkonte falje.
Këtë dhunë e përjetonte edhe nena e tij e cila ishte e pafuqishme për të kundërshtuar të birin dhe për të mbrojtur nusen dhe mbesën.
Mungesa e lirisë, presioni i pandërprerë nga Jetnor Zhaboli kishin çuar në mendjen e bashkëshortes së tij idenë për të kryer vetëvrasje.
Policia gjeti në banesë dy letra që gruaja u kishte shkruar familjarëve të saj ‘Po iki sepse kjo nuk është jetë”. Arresti i një dite më parë e shpëtoi nga tmerri brenda shtëpisë, teksa rasti po ndiqet nga shërbimet sociale.
Discussion about this post