Lulzim Basha habit me reagimin e vonuar pas dënimit të deputetit demokrat Ervin Salianji, me 1 vit burg për kallëzim të rremë për vëllain trafikant droge të ish-ministrit Fatmir Xhafa.
Sipas tij, gjithçka ka qenë një pazar, ku Rama i ka dhënë vulën Berishës, e nga ana tjetër sipas Bashës, ish-kryeministri ka lëshuar Ervin Salianjin.
Kreu i grupimit Demokratët Euroatlantikë ndalet edhe tek trupa gjykuese, ndërsa shkruan se si ka mundësi që të njëjtit gjyqtarë që dënuan Salianjin, ia dhanë vulën Berishës? Po ashtu me ironi, Basha shkruan se “pse këta gjyqtarët dje ishin heronj e sot u bënë vasalë të Edi Ramës?”
“Burracakët që kanë lëpirë çdo gjë që kanë pështyrë gjatë karrierës së tyre politike, kanë qelbur ekranet me shpifje të ndyra. Ndryshe nga këto vemje politike, që si korbat u turren fatkeqësive politike nga Sali Berisha te Ervin Salianji për të përfitur prej tyre, Lulzim Basha as nuk feston, as gëzon dhe as i përdor. Politikanët reagojnë me akte dhe vendime jo me deklarata të tipit “kurrë me Berishën”, e pastaj presin mëshirën e tij poshtë ballkonit.
Ky lëpirësi që u shfaq sot t’u thotë demokratëve si ka mundësi që të njëjtit gjyqtarë që dënuan Salianjin, i’a dhanë vulën Berishës? Pse këta gjyqtarët dje ishin heronj e sot u bënë vasalë të Edi Ramës? Pazari i ndyrë Rama-Berisha, merr vulën-jep Salianjin, nuk mbulohet dot me diarrenë mediatike të këtyre vemjeve politike dhe as të mediave të blera prej tyre”, shkruan Basha.
gijotina.com/
Discussion about this post