Burgosja e Vangjush Dakos, ja kush u la në qeli e kush u lirua (Emrat)

Gjykata Speciale ka vendosur masën e sigurisë ‘arrest me burg’ për ish-kryebashkiakun e Durrësit, Vangjush Dako.

Avokati i Dakos, Petrit Ismaili ka dhënë një deklaratë për mediat pas vendimit të GJKKO për të lënë në burg Vangjush Dakon. Ai ka deklaruar se klienti i tij i ka kundërshtuar akuzat dhe se prokuroria nuk ka paraqitur asnjë provë për lënien e Dakos në burg sipas tij.

“Vepra penale ka 10-12 vjet. Prokurori nuk paraqiti asnjë provë për këtë veprim të ngutshëm të ndërmarrë, gjithashtu nuk dha asnjë provë për të justifikuar masën e sigurisë.

Kërkesa jonë ishte ndryshimi i masës së burgimit pasi nuk ka duket e nevojshme. Dako ka qenë kryetar bashkie dhe ka ushtruar detyrën përmes strukturave, për të cilat nuk mban përgjegjësi kryetari i bashkisë.

Ka një lapsus të prokurorisë . Është e provuar që vepra penale nuk ekziston”, u shpreh ai.

Masat e sigurisë:

Nga ‘arrest në burg’ në ‘arrest shtëpie’ për Adrian Bulgun

Diana Dedja nga ‘arrest shtëpie’, në ‘detyrim paraqitje’ (ne videon e mesiperme)

Fiqiri Farruku ‘arrest në burg’

Andand Zoçila ‘arrest në burg’

Meri Semini ‘arrest shtëpie’

Ferzilet Hajdari ‘arrest shtëpie’

Në kërkim

Adhurim Qehajaj

Ermal Lama

Fatmir Ejupi

Lënia në burg e Dakos, reagimi i avokatit

Avokati i Vangjush Dakos, Petrit Ismaili, ka reaguar lidhur me vendimin e GJKKO-së, që la në burg Vangjush Dakon, në seancën e rivlerësimit të masës së sigurisë.

Ismaili tha se kishte kërkuar gjatë seancës një masë më të lehtë sigurie, ndërkohë që u shpreh se Prokurori i SPAK nuk ka paraqitur prova dhe fakte për të mbajtur në burg Dakon.

“Vendimi është në dispropocion të plotë lidhur me veprën penale dhe kohën kur është kryer kjo vepër.

Prokurori nuk paraqiti asnjë provë për të argumentuar nevojën e ngushtme sepse duhej vendosur masa e arrestit me burg.

Nuk është e nevojshme masa e arrestit me burg, aq më tepër kur kanë kaluar 11 apo 12 vite nga koha kur akuzohet Dako se ka kryer vepër penale”, tha Ismaili. Ai gjithashtu deklaroi se vendimi i GJKKO do të apelohej.

Gjithashtu edhe një prej avokatëve të personave të arrestuar bashkë me Vangjush Dakon, ish-Kryebashkiak i Durrësit, tha se drejtësia duhet të shkojë atje ku duhet, duke paralajmëruar apelimin e vendimit.

Vendimi ndaj Dakos dhe të dyshuarve të tjerë të arrestuar bashkë me të, është dhënë pas rreth 7 orësh nga momenti i fillimit të seancës në GJKKO.