“Burgu për burrat është”/ Vrau babë e bir, vëllai tregon telefonatën e fundit të Fiqiri Mjeshtrit

Vëllai i Fiqiri Mjeshtrit, autorit të krimit dje në Klos i cili pasi i mori jetën Ilir dhe Kenado Shirës, babë e bir, vrau veten, ka treguar detaje nga ngjarja që tronditi opinionin publik.

Fatmir Mjeshtri rrëfeu për media se pas vrasjes, familjarët dhe policia kanë negociuar që Fiqiriu të dorëzohej duke i bërë vazhdimisht thirrje, por që ai në fund kreu vetëvrasje për shkak të gjendjes së rënduar psikologjike.

“Vëllai iku me vrap drejt shtëpisë. Kishte ardhur nga sipër katundit dhe ishte afruar afër shtëpisë. Na bëri thirrje policia, po ne këtu ishim. Më thanë policia më jep numrin e vëllait, Fiqiriut. I thashë; hajde dorëzohu. I folëm të gjithë, dorëzohu. Se burgu për burrat është. Njeriu i gjallë e ka aftësinë, bërë ato që bëre, s’bërë mirë, por e bëre.”, tha vëllai.

Kujtojmë se Fiqiri Mjeshtri vrau me armë zjarri Ilir dhe Kenado Shirën dhe plagosi Renato dhe Eglantin Hasulën, ndërsa dy të rinjtë ishin djem tezesh.