Gjykata e Apelit ka vendosur të rihapë hetimet për “Velierën” e Durrësit. Projekti i shumëpërfolur për abuzime dhe probleme. Edhe Gijotina.com ka publikuar disa herë aferat që po bëhen në këtë projekt dhe paratë marramendëse që po shpenzohen, pasi ky projekt po kthehet në një burim korrupsionin për ata që drejtojnë atë.
Gjithashtu, projekti i Velierës është kundërshtuar me forcë nga arkeologë dhe shoqëria civile. Këta të fundit i bënë kërkesë gjykatës që të ndalonte punimet. Më 22 shkurt 2019, Dhoma e Këshillimit në Gjykatën Adminsitrative të Apelit, vendosi që t’i hapë rrugë rifillimit të punimeve, duke hedhur poshtë vendimin e Gjykatës Administrative të Durrësit. Ndërkohë ambjentalistët kanë dërguar pak kohë më parë në SPAK dosjen “Veliera”, pasi Prokuroria kishte kërkuar pushimin e çështjes për ndalimin e punimeve.
Investimi prej afro 6 milionë dollarësh nisi në vitin 2017, por edhe sot kur jemi në vitin 2022, ajo është ende larg përfundimit.
Në fillim, projekti është financuar një pjesë nga qeveria Rama dhe një pjesë nga bashkia Durrës, ndërkohë që në dy ndërhyrjet e fundit, fondet janë siguruar vetëm nga bashkia. Rreth një vit më parë, në maj 2020, “Veliera” rrëmbeu 850 milionë lekë, me qytetin bregdetar që sapo kishte dalë nga lëkundja sizmike dhe qytetarët që përjetonin ende makth nga tërmetet që nuk kishin të ndalur.
Ndërsa gjatë këtij viti, bashkia ka kërkuar një tjetër shumë, duke rihapur projektin dhe ka këkruar një vit kohë për mbylljen e tij.
Discussion about this post