Pas shkrimit në mediat greke dhe akuzave të PD-së për shitjen e burimit nëntokësor të Syrit të Kaltër shtetit fqinj helen, vjen dhe reagimi i Ministrisë së Turizmit dhe Mjedisit. Në një reagim zyrtar, kjo ministri i cilëson të pavërteta si shkrimin ashtu dhe akuzat nga deputetja demokrate, Ina Zhupa për shitjen e këtij burimi.
“Ministria e Turizmit dhe Mjedisit, nisur nga disa lajme të përhapura në media të ndryshme mbi një propozim/memorandum teknik të supozuar të furnizimit me ujë me transferim burimi nga Syri i Kaltër drejt Korfuzit, sqaron:
Nuk ka asnjë marrëveshje të tillë dhe as nuk ka pasur diskutime për një projekt të ngjashëm sipas lajmit të përhapur nga mediat. Pretendimet e ngritura janë të pavërteta.
Syri i Kaltër është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të “Parkut Natyror” me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër, që mban brenda parkut.”-shkruhet në reagim.
Discussion about this post