Chelsea fitoi 1-0 përballë West Ham, në sfidën e javës së 34-të të Premier League. Blutë e Londrës në këtë mënyrë i falen golit të shënuar nga Pulisic në minutën e 90-të të takimit.
Miqtë mbetën me 10 lojtarë në minutën e 86-të, pas daljes me të kuq të Dawson. Jorginho humbi penalltinë më pas për skuadrën vendase, teksa skuadrën e shpëtoi goli i Pulisic.
Në këtë mënyrë të besuarit e Thomas Tuchel rikthehen te fitorja në kampionat, pas asaj humbje ndaj Arsenalit, ndërsa mbajnë vendin e 3-të me 65 pikë. Ndërkohë nga ana tjetër West Ham mbetet në vendin e 7-të me 52 pikë.
Fitore “identike” në shtëpi mori edhe Burnley që mposhti Wolves. Një 3 pikësh me vlerë shumë të madhe në garën për mbijetesë. Golin e vetëm të këtij takimi e shënoi Vydra në minutën e 62-të, realizim që rezultoi edhe i fitores për skuadrën vendase.
Me këtë fitore Burnley zhyt në zonën e nxehtë Evertonin, teksa ka grumbulluar 31 pikë dhe mban vendin e 17-të, ndërsa Wolves mbetet në kuotën e 49 pikëve në vendin e 8-të.
Do të mbyllej në barazim 2-2 takimi mes Brighton dhe Southampton, me skuadrat që ndajnë kështu nga një pikë në takimin e javës së 34-të të Premier Leagues.
Welbeck 2’ dhe një autogol i Salisu 44’ i dhënë epërsinë e dyfishtë skuadrës vendase, ndërsa miqtë shënuan në minutën e fundit të shtesës së pjesës parë me Ward-Prowse.
Po Ward-Prowse do të gjente edhe golin e barazimit në minutën e 54, për t’i dhënë skuadrës së Armando Brojës një pikë në transfertën e Brighton.
20-vjeçari shqiptarë këtë e nisi nga stoli, teksa u aktivizua në minutën e 80-të nga trajneri Hasenhuttl.
Renditja mes dy skuadrave vazhdon të ngelet e pa ndryshuar, teksa 1 pikë vazhdojn t’i ndajë mes tyre. Brighton në vendin e 11-të me 41 pikë, ndërsa Southampton në vendin e 12 me 40 pikë.
Discussion about this post